Google ADS

Kërcënimet nga Kina dhe Rusia, Japonia do zhvillojë raketa me rreze më të gjatë

22:18 | 31 Gusht 2022
Trina Galanxhi

Japonia do të zhvillojë dhe prodhojë në masë, raketë lundrimi dhe raketë balistike me shpejtësi të lartë për të goditur objektiva më të largëta, si pjesë e një zgjerimi ushtarak kundër kërcënimeve të mundshme nga Kina dhe Rusia.

“Kina vazhdon të kërcënojë se do të përdorë forcën për të ndryshuar në mënyrë të njëanshme status quo-në dhe po thellon aleancën e saj me Rusinë”, tha ministria në kërkesën e saj buxhetore.

Alarmi për ambiciet rajonale të Kinës u rrit këtë muaj, pasi ajo lëshoi ​​pesë raketa balistike në ujërat më pak se 160 km (100 milje) nga Japonia, shkruan Reuters.

Kjo është parë si shfaqje e forcës ushtarake nga Pekini, pasi Kryetarja e Dhomës së Përfaqësuesve të SHBA, Nancy Pelosi vizitoi Tajvanin.

Ministria përmendi gjithashtu edhe Korenë e Veriut si një kërcënim për Japoninë./dita/

Shpërndaje në rrjete sociale

Lajmet më të lexuara

Të ngjashme

Foto lajm